جباد

جْــــــــبّـــــــــــاد

بقلم الزجال عبد السلام السلطاني

باشْ عاشْ بلاّرْج حْتى جا الجْراد ؟؟

ياكْ ابْيض ناصَع كان ريشو …

مْنْقارو سيف يْفْني لْكّرادْ ..

ما دام يْطير لَوْلاد يْعيشو ..

تفْنى صَحّتو .. مْخاوي لعْنادْ ..

حْداه الطّيورْ يْطيشو ..

يْبقاوْ غاية لقْريص الزّْنادْ ..

وْ شْكون يوْصَل عْريشو .. ؟؟؟

الْعْلالي مْلْكو .. ماشي تْبْنادْ ..

قُدّامْ القْطّ السّي ميشو ..

وا لا شْلْخَة مْنْ حَقّ لعْبادْ ..

بْالْعْرَق جْمَع خْشيشو ..

قولو تْوْضّا بْاللّبْن فْالْوادْ ..

اتّمْسَخْ فْنْهارْ نْقيشو ..

يْبْقى اللّقْلاقْ وْ الْعْرق جْبّاد ..

شْ عَنْدو ما يْديرْ خْبيشو ؟؟؟