حَــبَّـــة فْ رْحــــى

مهدى لروح الوالدة رحمها الله بمناسبة الذكرى 42 لرحيلها

بقلم عبد السلام السلطاني

اثنين و ربعين عام ..

ما زار قلبو حمام ..

يدفّي عشو .. يطبطب عليه ..

يبرر .. ناني يا مومو ..

حتى طيب عشات مو ..

امو اللي باقا فيه ..

اثنين و ربعين عام ..

عروسة مغصوبة ..

رحمة مكبوبة ..

بلعبة ملعوبة ..

فصلها الموت عليه ..

اثنين و ربعين عام ..

سهلة فالحساب ..

قطرات فكتاب ..

ما تقرا ما عاب ..

من خطوات رجليه ..

اثنين و ربعين ..

بلا شمس الضحى ..

حتى من الفال .. اتمحى ..

بغاتو ليام حبة فرحى ..

لقاتو بكري رضع التيه ..

اثنين و ربعين

فداك البرزخ تخايل ..

ميمتو حورية تتمايل ..

متوجة تكسيها لفضايل ..

النور فجبينها تسقيه ..

اثنين و ربعين

بغى مول الرحمة ..

فزحام يوم الزحمة ..

يمين يكون كتابها .. بالبسمة ..

ساروت الجنة .. تهديه ..