فين بياتك
العرائش أنفو
فين بياتك
بقلم الزجال احمد حمانو
فين بياتك
ياك داك النهار
اللي كنت نبكي قْبالتك
وانت مشمر مرافقك
وتتبهج
كان ليك عيد
كنتِ سْعيد وغمرتك الفرحة
وانا ف ناري وعذابي نتقلب
مشفقتِ محنيتِ
مقلتِ نعطف على هاد المخلوق
يمكن تتبدل الاحوال ويراعي
*
تهرس السهام وغاب الرايس
تلف المرؤوس وجنحت الظلمة
تشرع الباب منو دخل العدو
سلبو منا الهمة
ولبسونا عباية الذل
رماو لينا عظم خانز به دهاونا
صبغوا حيوطنا دم رهبنونا
هدمو بيوتنا ولات خراب
بجمر النار كواونا
وانت يا الجار سلوك ليام
هايم في الدنيا وفين بْياتك
10/12/2015