السّي الزّلْزال ..

العرائش أنفو

السّي الزّلْزال ..

بقلم عبد السلام السلطاني

ياكْ آ السّي الزّلْزال ..

شُفْتينا ناقْصينْ ضْحْكَة ..

قُلْتي تْهُرّْنا شْوِيَّة ..

ما انْتَ عْلينا بْفالْ ..

دَخْلْنا عْليكْ بْجاهْ السُّلْكَة ..

لا تْكونْ قْليلْ النِّيَّة ..

الشّْمْعَة .. مْنْ هَذا شْحالْ ..

بْقاتْ مْنْها غيرْ الْحَسْكَة ..

فْدْواخْلْنا مْدْرِيَّة ..

هَنّينا .. نْكْمّْلو لْمْقالْ ..

بْحْروفْ صْحيحْةْ السّْكَّة ..

فوقْ صْفْحَة مْعْنِيَّة ..

قْبْل لا يْوْقَفْ الْحالْ ..

قْبْلْ لا عْلى يْمينّا نْتّْكّا ..

فْوْجيبَة .. طَبيعِيَّة … !!!