بْـــلا عــنــــوان

العرائش أنفو

بْـــلا عــنــــوان

زجل- عبد السلام السلطاني

آآآ les amis .. ش هد الغرايب ..

قولو مالكم .. مع لمصايب ..

تحرشو عليها سيوانة …

……………..

قطران و رايب .. شعلو لعجايب ..

الفزّ . com .. أنا متايب ..

مالْها ؟؟؟ مال هد السيمانة …

……………..

راه راه .. ال facebook وْراه …

لا لا لا لا .. الفاهم و بّاه ..

كلها بلغاه .. يلغي .. أوّاه ..

كي عْقارب مَكّانة ..

…………….

ها حنش مجبود .. ها غيطة تشالي ..

سعدك يا مسعود .. نحل فالرّالي ..

عود ف ( ع ) لحسود .. ال mode فالعْلالي ..

دقّة فدار حضانة ..

……………

ها العزو و الله يرحم .. ها مبروك ..

ها التصاور ها اللحم .. ها Rock ..

إصابة دابا تجي تم .. فمرمى خوك ..

ها نملة فبطانة …

…………….

سوق عام .. حلال و حرام ..

بْ ال web cam .. آبوسلهام ..

خير و سلام .. قالوا لحمام …

وصل ن عشّو بالزّانة ………… !!!