ads980-90 after header
الإشهار 1

هل أصبح الشطط هو السمة البارزة في تسيير الشأن العام بمدينة العرائش

الإشهار 2

العرائش أنفو

هل أصبح الشطط هو السمة البارزة في تسيير الشأن العام بمدينة العرائش

هل يعقل أن يتم السكوت على مخالفة في مجال التعمير والطامة الكبرى أن المنزل يوجد بجوار مقر الوكالة الحضرية العرائش وزان بشارع الياسمين بتجزئة المغرب الجديد بمدينة العرائش .” واش مشافوهاش طبقة كاملة مشافوهاش “والمسؤول مسمع طقطيق مطاحت عليه حصة د رمل مسمع هدير ماهاز عينو الفوق ماماولو.

نحاولو حنا نجاوبو أسيدي البناء كان كيكون غير جمعة والسبت والاحد والمسؤول مكيكونش. هادشي كولو مقبول ولكن ملي كيجي المسؤول نهار الاثنين منين كيدخل للمؤسسة واش مشفش طبقة تزادت واش مكيهوزش عينو للسما يشوف عظمة الكون و السما د ربي ؟؟؟
مشافوهاش مشافوهاش وخا سبق لينا وجهنا نداء إلى نفس المسؤول قبل شهور وخرجت لجنة وكان ممثل السلطة مصرا على إغلاق الورش بغينا نعرفو شكون لي قال لا متشدوهش شكون لي ضد القانون وعلاش هو ضد القانون .
بغينا نفهمو وتجاوبونا علاش الانبطاح علاش؟؟؟شحال هذه وانا من حي شعبي كنت اسمع جيران كيقولو اذا بغيتي تزيد شي حاجة حتى يجي السبت والاحد مكيكون حد . هادشي اللي كنهضر عليه وانا صغير وفهموني مزيان هادشي قل ديك ثمانينات تسعينات كانوا البراريك كيتزادو السبت والاحد و لكن دبا حنا ف 2020 ونفس الأسلوب يتكرر بناء طابق أيام جمعة والسبت والاحد وقدامن بجوار الوكالة الحضرية العرائش وزان .
شتي نفس الأسلوب وخا دازت سنين نفس العقلية ديال البراريك وخا يدوز أكثر من قرن من الزمن .واجيو نسولكم واش كاين شي بناء او بمعنى اصح عمارات عندهم التصميم ولكن المحافظة العقارية بالعرائش رفضت تحفظ. هذا سؤال ديال 2021 غادي نخدمو عليه مزيان ونفهمو كيفاش القضية مضموسة بين عشرة ناس او اقل وهما سباب هذ كوارث كلها .
جا حتى بلاد فلايو وجاه الرواح . جا حتى قدام الوكالة الحضرية وزاد طبقة .
كولشي ساكت كولشي ضارب الطم .

محمد بلمهيدي
رئيس الرابطة الوطنية للدفاع عن حقوق الإنسان بالمغرب .

ads after content
الإشهار 3
شاهد أيضا
الإشهار 4
تعليقات الزوار
جاري التحميل ...
الإشهار 5