آآآآآآآآح

آآآآآآآآح

بقلم الزجال عبد السلام السلطاني

الغيّاط ما قدّو حد .. دردك فْقاعْة الأفراح …

شْطَح و عْيى يزْرْد .. خْرج يتْفجّج فالمْراح ..

قْبْل ما الطّرح يبرْد .. اتّسمََع مْن بْعيد نْواح ..

بانْتْ لحْكاية جْد .. تفعفَع مْن كان مْرتاح

العْقول بْدات تْشْرْد .. وْ الضّيمْ عْليها طاحْ ..

الصّبر بْدا يْنْفْد .. لعْريس غْضْب وْ صاح

واشْ هَدْ الشّي ضْد .. وْ لا درْتوه مْزاح

لا حَد بْصوْتو رَدّ .. ما بان كايْن رْواح ..

جا الْغاشي رْدّد .. بِيّن بْلْسان فْصّاح ..

خو العْريس عَرْبْد .. وْ فْلْت مْن يدّو سْلاح ..

شْدّ يا ما تْشْدّ .. آآآح .. وْلْوْلْ الغيّاط آح