السكومبرو يجتاح غابة ليبيكا والكل في سبات عميق

العرائش أنفو

السكومبرو يجتاح غابة ليبيكا والكل في سبات عميق

مزالني كنتفكر هاد عيد العرش الأخير كنت كنشوف شي دوريات من طرف الجمعيات الرياضية وبعض الفرق الرياضية المحسوبة على مدينة العرائش وينك من احتفالات وينك من بايانات وينك من صور الملك والراية المغربية واحد الرئيس بعدا كل نهار منزل لينا منشور كي عبر فيه للولاء ديالو باش يبين أنه وطني كثر من الجمعيات والفرق اللي معاه فالضومين لدرجة ان الفيسبوك كان ناقصو غير يقول ليه الله يطول فعمر سيدي ،، وهو ما بيه لا ولاء ولا سيدي زكري همو غير يعمر الضوسي ويهلها تصاور وباينات باش يستافد من الدعم السنوي ،، والآن غابة لايبيكا تحتضر وتاكل الشحط من بوهبوش اللي ما لقاش اللي يربي يماهم على هاد التكلبين اللي هوما فيه وخربو الغابة وهلكوها بالزبل والسكومبرو و تقووول شي جمعية ناضت شمرت على دراعها ولا تكلمت ولا هزت الراس بينت شوية د النفس على هاد الغابة ، للعم أن الفرق الرياضية نهار كانو كي جريو عليهم من الملعب بحجة الإصلاح كانو يهطبو يديرو لونطريما فلايبيكا ، خلاصة وجهكم قاصح يا جمعيات والفرق الرياضية الله يعطيكم العز أما الذل راه شعاركم وجاري فدمكم .
حميد العوني