الطريق المستقيم
العرائش أنفو
الطريق المستقيم
البطاطا حلال، والشراب إذا ما سكرش حتى هو حلال.
شحال من واحد دوز حياتو كاملة وهو كيشرب، ومني لقى “الطريق العامرة” رجع كيدعي المثالية ويقول هذا حرام، ونسى بلي هو أصلاً الحرام كان ساكن فيه وعايش معاه. شحال من واحد كينافق راسو، وعائلتو، وناسو.. وهو مورا الستار “يا لطيف”.
كاين اللي حياتو كاملة نفاق حتى في صلاتو، ومع العباد عامر شر ويدعي الصلاح، غير حيت معمرين ليه راسو بأفكار مبنية على “أنا في الجنة والباقي في النار”. شحال من واحد غامق على راسو وكاذب على نفسو، ونسى بأن الحياة في يد الله وحده، ماشي في يد شي “بولاحيا” أو “خوانجي
” أو شي حزب قال فلان وقال علان.
أنا كنقولها ونعاودها: حنا عايشين لله، والواحد الأحد هو الوحيد اللي عندو الحق يحكم عليك أو يحاسبك. أما بنادم اللي خدام بعقلية “الحلال والحرام” باش يغطي على نفاقو، راه أكبر منافق يمكن تصادفو.. وهاد الكلام غير باش نوضع النقط على الحروف.
أمين أحرشيون