برشلونة: البرد كايقتل، والسينما خدامة!
برشلونة: البرد كايقتل، والسينما خدامة!
العرائش أنفو
أمين أحرشيون
واش هي الساعة هي هي، ولا غير كل سنة من هذه الساعة نعيشو نفس الشي ونفس البلبالة والمبالغة؟ وشي باغي يبرهن على راسوا انه مول الشي.
شني هدشي للي واقع، كترت المواقع وكترت السناريوهات والأفلام القصيرة عندها دور، والمسلسلات هي هي، كل عام وشمن حلقة والممثلين هما هما. اشخبار الداوي على الشوارع من الحقيقة، والتمتيل فيه وفيه غير وكان الأدوار تختلف والاضواء مع الأجواء.
عدد المواقع رجعوا يمتلو على حسب الدرويش، والدرويش يبتسم حيت يتفرج حلقة من حلقات “شاهد ما شفشي حاجة”. وللي حاجتوا مقضية راها فيه محشية، وللي باغي يحشي أي قضية فشي ركن من أركان التقية؛ سير تعلم تعيش كل عام مع الشوارع ماشي مرة هنا مع الدقة المراكشية والنشاط البدني ومرة مع الإحسان والباقية.
ريحتكم مشات مع الجو البارد والسخون يا هوا هوانا. سكات أهم شي أما كترت الكلام.. كلها والدور يدور عليك على حسب للي يرسم ليك.
غادي تسالي الحلقة، وتطفى الأضواء، ويرجع كل واحد لدارو دافية.. ولكن الشارع كيبقى هو هو، والبرد كيبقى يحصد فينا، في انتظار الموسم الجاي.